Os rapaces que esta semana participan no Campus Sar vivirán este mércores un día de festa, coincidindo coa xornada previa ao do Apóstolo. Amais das clases de inglés, das actividades deportivas e dos xogos dos que habitualmente desfrutan, o 24 de xullo será un día de celebración para todos eles.

Os setenta nenos e nenas poderán desfrutar de varios inchables entre as 11 e as 14 horas na zona de céspede das Piscinas Fontes do Sar. Haberá unha casa de bolas para os máis pequenos, de entre 4 e 5 anos; unha pista americana con obstáculos e un bungee, no que os maiores poderán competir e poñer a proba a súa forza e destreza. Se o tempo acompaña, haberá tamén algún inchable na auga.