Luis Miguel está de xira en España neste 2012, e entre as súas paradas cóntase Santiago de Compostela. O 27 de abril ás 21.30h o cantante mexicano arrincará o tour de presentación do seu último disco, «Luis Miguel», no Multiusos Fontes do Sar. Ao día seguinte estará en Cáceres, para continuar o 30 de abril en Palma de Mallorca, o 4 de maio en Alicante e o 5 de maio en Málaga. As localidades para velo en escena están á venda nos puntos oficiais: Livenation.es, Ticketmaster, Servicaixa e El Corte Inglés. Os prezos das entradas van dos 40 aos 165€:
PL1 70 €+ gastos
PL2 55 €+ gastos
PL3 45 € + gastos
PL4 40 € + gastos
Premium: 165 € + gastos

O artista mexicano, premiado con 10 premios Grammy, quizáis sexa o cantante latinoamericano máis importante de tódolos tempos. Luis Miguel conta entre os seus moitos logros o de ser o primeiro artista latino en recibir un disco de ouro nos EE.UU. por un álbum en español, o primeiro en conseguir un cheo absoluto no Madison Square Garden de Nova York, o primeiro estranxeiro cantando na súa propia lingua que vendeu máis de dous millóns de copias nos EE.UU., o primeiro artista latino no mundo que máis entradas vendeu sucesivamente nun mesmo recinto, o primeiro en realizar 30 concertos sucesivos no auditorio nacional de Cidade de México, o primeiro en ter a posición máis alta xamais acadada por un álbum en español no listado do «Billboard top 200» de EE.UU., e o primeiro en ter a xira con máis altos ingresos na historia dun artista de fala hispana.

O seus discos téñense editado, amais de EE.UU, España, Latinoamérica e México, en Xapón, Corea, Singapur, Indonesia, Australia, Alemaña, Holanda, Finlandia, Bélxica, República Checa, entroutros países. É gañador de 10 Grammy, catro deles outorgados pola academia norteamericana e 6 deles latinos. Vendeu máis de 60 millóns de discos en todo omundo en 28 anos ininterrompidos de carreira.

SERVIZOS DE TRANSPORTE URBANO

Haberá un SERVIZO LANZADEIRA desde a rúa de Ramón Piñeiro (lateral Parlamento de Galicia) ata o multiusos Fontes do Sar a partir das 20.00 h.
A LIÑA C11 (circular de Fontiñas) accederá ao multiusos Fontes do Sar nas súas viaxes a partir das 20:00. As horas de paso aproximado pola rúa Xeneral Pardiñas en dirección ao multiusos son ás 20:15, 20:30, 20:45, 21:00 e 21:15. As paradas máis céntricas para acceder a esta liña sitúanse na rúa Xeneral Pardiñas, praza de Galicia, rúa da Ensinanza, rúa Virxe da Cerca e rúa de San Pedro.
Ao remate do concerto, manterase o SERVIZO LANZADEIRA desde o multiusos con destino á rúa de Ramón Piñeiro (lateral Parlamento de Galicia).