Maldita Nerea fará parada en Santiago de Compostela para presentar en directo o seu último disco, dentro da súa xira «Fácil». A cita será no Multiusos Fontes do Sar o venres 2 de decembro, ás 21h.

A actuación do grupo murciano virá precedida no escenario polo grupo invitado Funambulista e a banda madrileña Lagarto Amarillo. As localidades para o concerto xa se poden adquirir de xeito anticipado a un prezo de 10 € + gastos en Ticketmaster e na web de NovaGalicia Banco e no despacho de localidades do Multiusos a 14 €.

Máis información AQUÍ

SERVIZOS DE TRANSPORTE PARA O CONCERTO

Detállanse de seguido os servizos de transporte urbano con motivo do concerto de “Maldita Nerea” o vindeiro venres 2 de decembro no multiusos Fontes do Sar:

SERVIZO LANZADEIRA desde a rúa de Ramón Piñeiro (lateral Parlamento de Galicia) ata o multiusos Fontes do Sar a partir das 20.30 h.
A LIÑA C11 (circular de Fontiñas) accede ao multiusos Fontes do Sar cunha frecuencia de 15 minutos. As paradas máis céntricas para acceder a esta liña sitúanse na rúa Xeneral Pardiñas, praza de Galicia, rúa da Ensinanza, rúa Virxe da Cerca e rúa de San Pedro.
A LIÑA C9 (Multiusos Fontes do Sar – rúa da Rosa – multiusos Fontes do Sar) accede ao multiusos con frecuencias de entre 30 e 40 minutos ao longo da tarde. As paradas máis céntricas para acceder a esta liña sitúanse na rúa Virxe da Cerca, rúa Fonte de San Antonio, praza de Galicia e rúa da Rosa.
Ao remate do concerto, manterase o SERVIZO LANZADEIRA desde o multiusos con destino á rúa de Ramón Piñeiro (lateral Parlamento de Galicia).