As persoas con trastorno do espectro do autismo (TEA) presentan dificultades na comunicación social e na linguaxe, pero teñen un excelente pensamento visual, polo que a información presentada de xeito visual con pictogramas lles resulta de gran axuda, así como a outros colectivos de persoas con discapacidade, persoas con dificultades na linguaxe ou maiores. O Multiusos Fontes do Sar é agora un espazo máis accesible para as persoas con autismo e outros colectivos con dificultades na comunicación grazas ás adaptacións con pictogramas. Estas adaptacións enmárcanse dentro do Proxecto de Accesibilidade en Entornos Sociais que Autismo Galicia leva a cabo en distintos concellos de toda a Comunidade Autónoma.