O Complexo Deportivo Santa Isabel incorpora de novo á súa oferta a partir do 7 de outubro esta actividade de acceso libre para todos os abonados do centro. Todos os luns e mércores ás 20h, únete ao RUNNING coa nosa instructora Olaia Suárez, licenciada en CC. da Actividade Física e do Deporte con Maestría en Atletismo.

RUNNING consiste nunha hora de adestramento aeróbico ao aire libre, durante a que traballaremos técnica de carreira, series, costas, etc. Recoméndase o uso de pulsómetro e zapatillas de correr.

Para iniciar a actividade sairemos sempre da recepción do complexo. Durante varias sesión percorreremos a Alameda compostelá, achegarémonos ata o Pedroso ou faremos a ruta do Sarela, entroutros tramos.